Новости

Пораки за љубов и хуманост

Е-пошта Печати

   Десеттина волонтерки од Клубот на млади при Општинската организација на Црвен крст Велес со својата посветеност и ентузијазам решија да го одбележат и разубават Свети Валентин - денот на вљубените и истовремено, да се вклучат во хуманитарната акција за помош на нивни соучаник за лекување во странство.Организираа креативна работилница за изработка на украсни предмети со испишани пораки за љубовта и хуманоста и на 14-ти февруари ги доделуваа на минувачите низ центарот на Велес. Среќните добитници се фотографираа и пуштаа парички во касата на Црвениот крст.

 
 

Започна новиот ЦКА – ПХВ циклус

Е-пошта Печати

   По одржаните обуки со општинските дисеминатори за годинашнава програма Црвен крст во акција – промоција на хуманите вредности, отпочна организирањето на едукативните работилници во општинските организации. Во просториите на општинската организација на Црвен крст Велес на 30 јануари и 13 февруари одржани се првата и втората работилница на која присуствуваа 30 млади од основните и средните училишта. На работилниците, идните млади волонтери на Црвениот крст низ игри за запознавање и опуштање се стекнаа со знаења за историјатот, принципите, амблемот и активностите на Меѓународното движење на Црвениот крст и Црвената полумесечина и беа воведени во ЦКА ПХВ програмата - лоцирање, препознавење и разрешување на проблеми и потреби низ хуманитарни акции во локалната заедница. Во наредниот период преостанува третата работилница на која учесниците ќе научат како се имплементира и како се документира хуманитарен микро проект по што, ќе имаат можност наученото да го спроведат во пракса. Покажаниот интерес и активен ангажман на младите учесници ветува успешни акции за добробит во заедницата и нови активни волонтери во Клубот на млади.

Крводарителски акции

Е-пошта Печати
Во изминатата седмица Црвен крст на Република Македонија Општинска организација Велес и Институтот за трансфузиона медицина на подрачјето на Општинската организација изведоа две крводарителски акции. На првата, што се организираше со жителите од Населба Чашка на 27-ми јануари, беа собрани 32 крвни еденици од кои девет од дарители од женски и 23 од дарители од машки пол, додека три беа дарувани од лица кои прв пат даруваа во својот живот. На втората пак, што ја органзираа Унијата на млади сили на ВМРО ДПМНЕ на први февруари во фоајето на Народниот театар во Велес, беа собрани 72 крвни единици од кои 47 од дарители во работен однос, девет од невработени, шест од ученици, девет од студенти и една од дарител – пензионер. И на оваа акција тројца од дарителите прв пат даруваа во својот живот.
Екипите на Институтот за трансфузиона медицина кои беспрекорно ја завршија својата работа, во двете акции беа придружувани од волонтери од Клубот на млади на Црвениот крст кои беа на испомош при приемот на крводарителите, пополнувањето на прашалниците и изнаоѓањето на евидентните картони.
   Во изминатата седмица Црвен крст на Република Македонија Општинска организација Велес и Институтот за трансфузиона медицина на подрачјето на Општинската организација изведоа две крводарителски акции. На првата, што се организираше со жителите од Населба Чашка на 27-ми јануари, беа собрани 32 крвни еденици од кои девет од дарители од женски и 23 од дарители од машки пол, додека три беа дарувани од лица кои прв пат даруваа во својот живот. На втората пак, што ја органзираа Унијата на млади сили на ВМРО ДПМНЕ на први февруари во фоајето на Народниот театар во Велес, беа собрани 72 крвни единици од кои 47 од дарители во работен однос, девет од невработени, шест од ученици, девет од студенти и една од дарител – пензионер. И на оваа акција тројца од дарителите прв пат даруваа во својот живот. Екипите на Институтот за трансфузиона медицина кои беспрекорно ја завршија својата работа, во двете акции беа придружувани од волонтери од Клубот на млади на Црвениот крст кои беа на испомош при приемот на крводарителите, пополнувањето на прашалниците и изнаоѓањето на евидентните картони.
 

Обраќање на генералниот секретар д-р Саит Саити

Е-пошта Печати

Почитувани,

Се наоѓаме на истекот на една успешна и напорна година исполнета со големи предизвици и бројни активности на нашата организација. Заедно остваривме многу, и покрај бројните активности кои честопати беа спроведувани во исклучителни околности, успеавме да го задржиме квалитетот и реномето на нашата организација и како многупати досега да излеземе посилни и побогати со нови искуства и практики кои ги споделуваме во организацијата.

Во таа насока, дозволете ми да ја искористам можноста да Ви се заблагодарам за Вашата континуирана поддршка во 2016 година во процесот на спроведување на нашите заеднички заложби за организациска надградба и континуирано опслужување на корисниците на наши услуги.

Како што веќе напоменав, за нас е посебно важно што и покрај бројните предизвици и потешкотии, преку синергија и соработка на нашите структури на локално и национално ниво успевавме да најдеме соодветни решенија и успешно да одговориме на задачите кои беа пред нас како и да се справиме со сите репутациски ризици во тој процес.

Годината пред се ја одбележа нашата операција за обезбедување на помош за настраданото население од поплавите во Скопско и Тетовско како и енормната операција за обезбедување на подршка за ирегуларните мигранти и мигрантите кои се сместени во прифатните центри во нашата држава. Покрај професиналната грижа и поддршка за овие целни групи во процесот успеавме дел од подршката да ја насочиме и за надградба на капацитетите на нашата организација, како во делот на материјалните и технички средства така и на планот на обезбедување на обуки за човечките ресурси на нашата организација во текот на целата година.

Исто така, во текот на годината посветено работевме на реализација на традиционалните активности и во соработка со нашите партнери од редот на корпоративниот сектор и јавните институции и граѓанскиот сектор допревме до бројни корисници и задоволивме приоритетни потреби во локалните заедници. Покрај тоа инвестиравме и на подигање на свеста на населението и различни целни групи за значењето на Цревниот крст во државата и различни аспекти од сферата на социјалната и здравствената грижа и подготвеност и дејствување при катастрофи со цел преку нашите адвокативни напори да обезбедиме јавна поддршка и знаење кои ќе помогнат во реализацијата на побезбеден и подостоинствен живот на граѓаните на Република Македонија и пошироко.

Во овој процес ја уживавме поддршката на нашите партнери и посебно сме благодарни, пред се на Меѓународната Федерација на Црвен крст и Црвена полумесечина, Меѓународниот Комитет на Црвен крст, УНХЦР, ЕУ, Германскиот Црвен крст и Австрискиот Црвен крст, амбасади и конзуларни преставништва, меѓународни организации, други национални друштва и организации, корпоративниот сектор како и поддршката од граѓаните, кои ни помогнаа да ги реализираме зацртаните цели како одговор на приоритетните потреби на целните групи кои ги опслужувавме.

Пред крајот на годината успешно ја заокруживме процената и анализата на работата на општинските организации на Црвен крст и наодите и резултатите ќе ги искористиме заеднички да ги подобриме капацитетите на нашите структурни единици. Исто така во финална фаза сме на заокружување на новата статутарна рамка на организацијата. Тоа ќе ни овозможи и навремено спроведување на изборниот процес на сите нивоа на нашата организација. Во таа насока ве поканувам сите да ја дадеме потребната поддршка успешно да го спроведеме изборниот процес и да ја обебзедиме иницијалната поддршка на новоизбраните раководни стуктури во претстојниот период со цел  да обезбедиме континуитет во нашата работа.

На крајот сакам да се заблагодарам за поддршката на Вашата општинска организација на Црвен крст и да Ви посакам среќни празници, многу успеси и позитивни резултати во 2017 година. Се надеваме дека нашите годинешни заеднички остварувања ќе бидат потстрек за уште подобри резултати во новата година во сите програмски области на нашата организација. Сакаме да Ве увериме дека како и досега може да сметате на нашата поддршка и дека заедно можеме да стигнеме подалеку и да направиме повеќе.

Со почит,

д-р Саит Саити
Генерален секретар

Среќни Новогодишни и Божиќни празници

Е-пошта Печати

ООЦК Велес на традиционална новогодишна средба.

Дел од волонтерскиот сегмент со стручната служба 

Крводарителски акции

Е-пошта Печати
   По одржувањето на традиционалната крводарителска акција посветена на денот на општината Велес и денот на основањето на мото клубот „Носачи на крстот“, на која беа собрани 120 крвни единици, на 18-ти нември, екипа од Институтот за трансфузиона медицина од Скопје изведе крводарителска акција и за вработените и доброволните припадници на АРМ во гарнизонот „Алексо Демниевски Бауман“ во Велес. На оваа акција беа собрани 63 крвни единици од кои 6 од дарители од понежниот пол, додека 22 крвни единици беа собрани од дарители кои прв пат даруваа во својот живот.
 

Донирајте орган – подарете живот

Е-пошта Печати
Во рамките на проектот „Донирајте орган – подарете живот“ на 22-ри ноември за вработените и припадниците на АРМ во гарнизонот на АРМ во Велес беше одржано предавање на тема „Органодарителството и трансплатацијата во Република Македонија“.
Типови на органодарителството, органи и ткива што се предмет на донирање, медицинските, религиските, етичките, правните и социо-економските аспекти на органодарителството, беа дел од содржините што д-р Нешова-Пановска и д-р Панова ги презентираа пред стотината присутни во салата.
Заеднички прифатена констатација на крајот од предавањето беше дека органодарителството навистина претствува највисок чин на човекољубие и дека оваа тема треба да биде многу поприсутна до населението.
   Во рамките на проектот „Донирајте орган – подарете живот“ на 22-ри ноември за вработените и припадниците на АРМ во гарнизонот на АРМ во Велес беше одржано предавање на тема „Органодарителството и трансплатацијата во Република Македонија“.  Типови на органодарителството, органи и ткива што се предмет на донирање, медицинските, религиските, етичките, правните и социо-економските аспекти на органодарителството, беа дел од содржините што д-р Нешова-Пановска и д-р Панова ги презентираа пред стотината присутни во салата. Заеднички прифатена констатација на крајот од предавањето беше дека органодарителството навистина претствува највисок чин на човекољубие и дека оваа тема треба да биде многу поприсутна до населението.
 

Страница 1 од 53

Online Донација

online_donacija
info