КРВОДАРИТЕЛСКА АКЦИЈА СО ЗДРУЖЕНИЕ „ВЕЛЕС БАЈКИНГ

Ниту дождот не ги поколеба крводарителите од Велес да ја покажат својата хуманост на крводарителската акција која на 01-ви декември се одржа во просториите на Театарот „Јордан хаџи Константинов Џинот“. На акција се даруваа вкупно 60 крвни единици. Двајца од дарителите даруваа за прв пат и станаа дел од најхимлоното семејство во државата.

Акцијата заеднички ја реализираа Црвен крст на Република Северна Македонија Општинска организација Велес, Институтот за трансфузиона медицина од Скопје и Здружението “Велес бајкинг” Ова е шеста заедничка акција. Во реализацијата на акцијата учество зедоа четворица волонтери од Клубот на млади.