РЕКОРДНИ 132 ДАРУВАЊА НА КРВОДАРИТЕЛСКА АКЦИЈА ВО ГРАДСКО

Крводарителите од Градско и останатите населени места во општината одново се потврдија како едни од најхуманите во државата. Во едно од помалите населени места во државата на 14-ти Декември се одржа рекордна крводарителска акција. На истата се даруваа вкупно 132 крвни единици. 15-мина од дарителите даруваа за прв пат.

Крводарителската акција заеднички ја реализираа Црвен крст на Република Северна Македонија Општинска организација Велес и Институтот за трансфузиона медицина од Скопје помогнати од Општина Градско.

Во реализацијата на акцијата, за чиј што повод беше Денот на Општината, директно беа вклучени шестмина волонтери од Основната организација на Црвен крст од Градско.