9-ТО НОЕМВРИСКАТА КРВОДАРИТЕЛСКА АКЦИЈА НАЈУСПЕШНА ВО 2019

Крводарителската акција која по повод 9-ти Ноември Денот на ослободувањето на градот по 12-ти пат во Ликовниот салон денеска ја организираа Црвен крст на Република Македонија, Мото клубот „Носачи на крстот“ и Општина Велес, статистички и според бројките е најуспешната во 2019 година.

Двете екипи од Институтот за трансфузиона медицина собраа вкупно 153 крвни единици. 124 единици ги даруваа мажи, а 29 жени. Речиси 10 проценти или 13-мина од дарителите за прв пат даруваа и станаа дел од најхуманото семејство.