ЦРВЕН КРСТ ДЕЛ ОД ГОЛЕМАТА ЕКО АКЦИЈА НА ВЕЛЕШКО ЕЗЕРО

Волонтерите од Клубот на млади при Црвен крст на Република Северна Македонија Општинска организација Велес на 08-ми мај беа дел од големата еколошка акција која се одржа во близина на Велешкото езеро Младост до село Сопот.

Под мотото „За чисто како дома исто“ осум волонери од Општинската организација беа основната логистичка точка на акцијата. Тие делеа вода за сите присутни, распределуваа ракавици, средства за дезинфекција, маски и вреќи за собирање на отпадот. Секако дека се вклучија и во чистењето со собирање и селектирање на отпадоци.

Во Генералка викенд освен Црвен крст учество зедоа и над 300 граѓани на Велес, членови на здруженија, Невладини организации, вработени во општински институции и јавни претпријатија.