ЦРВЕН КРСТ ПОДДРШКА ЗА ПРОЦЕСОТ НА ИМУНИЗАЦИЈА ЗА ГРАЃАНИТЕ ОД ВЕЛЕШКО

Волонтерите на Црвен крст на Република Северна Македонија Општинска организација Велес и натаму во првите борбени редови во ботката против Пандемијата со Корона вирусот. Тое се дел од тимовите кои ја реализираат имунизацијата на повозрасните граѓани на Велес и околината.

Пунктот за имунизација се наоѓа во Јавната здравствена установа „Здравствен дом“, а по двајца волонтери во две смени или вкупно 10 часа секојдневно се ангажирани на терен. Тие се задолжени за прием и регистрација на граѓаните кои доаѓаат на вакцина и за контрола на термините во кои се пристигнува на вакцинацијата.

Волонтерите на Општинската организација на Црвен крст од Велес ќе бидат дел од процесот на имунизација се додека има потреба од нив.