ДОНАЦИЈА НА ДВА РЕСПИРАТОРИ ВО БОЛНИЦА ЈАСЕНОВО

Два неинвазивни респиратори од марката COVIDAIR S/T доби болницата за белодробни заболувања во Јасеново. Ги донираа волонтерите од Клубот на млади при Црвен крст на Република Северна Македонија Општинска организација Велес. Донацијата е од компанијата BCD microtecknique SA.

Двата респиратори ќе се употребуваат при лекување на пациентите во оваа болничка установа. Токму во наредниот период овде се очекува зголемен број на пациенти како последица на пост ковид третман.