ЕДУКАТИВНИ ПОСТЕРИ ЗА УЧИЛИШТА ВО РУРАЛНИ СРЕДИНИ

Волонтерите на Црвен крст на Република Северна Македонија Општинска организација Велес ги поделија едукативните постери за заштита од COVID 19. На истите сликовито е прикажано како правилно се става заштитна маска и како правилно треба да се мијат рацете во осум чекори. Постерите се наменети главно за учениците во основните училишта во рурални средини.

Како дел од активноста волонтерите на Црвен крст доставија постери во основните училишта во: Богомила, Извор, Согле, Чашка, Горно и Долно Јабилиште, Горно Врановци, Сливник, Бузалково, Сујаклари, Мамутчево, Иванковци, Отовица, Раштани, Градско, Водоврати, Ногаевци.