КРВОДАРИТЕЛСКА АКЦИЈА ВО ВЕЛЕШКАТА КАСАРНА

Хуманоста и солидарноста повторно беа присутни во Велешката касарна „Алексо Демниевски – Бауман“.

На денешната крводарителска акција крв даруваа 27 лица, со што уште еднаш ја покажаа својата хуманост и подготвеност да помогнат.

Акцијата ја реализираа Црвениот крст на Република Северна Македонија – Општинска организација Велес и Институтот за трансфузиона медицина – Скопје.

Во реализацијата беа вклучени и двајца волонтери од Клубот на млади при Црвен крст Велес.