![](https://crvenkrst-veles.org.mk/wp-content/uploads/2023/05/344567961_931724778103475_896683630786738494_n-1000x560.jpg)
мај 8, 2023
ОДБЕЛЕЖАН 8-ми МАЈ СВЕТСКИ ДЕН НА ЦРВЕН КРСТ И ЦРВЕНА ПОЛУМЕСЕЧИНА
Под мотото „Се што правиме – го правиме од срце“, Црвен крст на РСМ Општинска организација Велес го одбележа 8-ми мај Светскиот ден на Црвен крст и Црвена полумесечина. Овој ден беше искористен за да се промовира организацијата. На информативен штанд волонтерите од Клубот на млади го претставија Црвениот крст, областите во кои делува, програмите и активностите кои се реализираат во текот на годината.
На информативниот штанд имаше и забавен дел. За граѓаните се организираше лотарија со симболични подароци, а за најмладите имаше и балони со знакот на Црвен крст.
Во подготовката и реализацијата на настанот учество зедоа 17 волонтери од Клубот на млади при општинската организација на Црвен крст од Велес.