ПАКЕТ СО ХРАНА ЗА НАЈНИСКАТА ЖЕНА ВО ДРЖАВАТА

Волонтерите од Клубот на млади при Црвен крст на Република Северна Македонија Општинска организација Велес не ја забораваат 63 годишната Славица Димовска, најниската жена во државата која живее во Чашка и е висока едвај еден метар. Тие ја посетија Славица, а притоа и донираа пакет со прехрамбени прозиводи кое се донација од семејството Етоски од Швајцарија.

Ова не е прв пат волонтерите на Црвен крст да и помагаат на Славица Димовска. Освен хуманитарна помош во пакети со храна и средства за хигиена, пред две години еден тим преку Програмата „Црвен крст во акција – Промоција на хумани вредности“ беше вклучен во проект за реновирање на нејзината семејна куќа.

Секоја посета на домот во Чашка кај Баба Цава, како што е позната, е вистинко задоволство и уживање да се биде во друштво на една многу позитивна и отворена личност која секогаш не пречекува со добро расположение и желби за среќа и здравје на сите.