ПЕНЗИОНЕРИТЕ ЕДУЦИРАНИ ЗА ПРВА ПОМОШ

Во просториите на Здружението на пензионери од Велес се одржа едукација на Прва помош. Присутните научија како да постапат во случај на безсознание, скршеница, крварење, повреда на рбетен столб и уште неколку покарактеристични повреди. Потребата од оваа едукација се појави бидејки повозрасните лица често може да се повредат поради нивната намалена моторичка способност, но исто така тие не ретко ги среќаваат ваквите повреди и кај своите внуци, па затоа е добро да знаат како да реагираат.

Едукацијата ја изведе Д-р Кевица Шопова Клифова волонтер во Црвен крст на Република Македонија Општинска организација Велес. На истата беа присутни 15 членови од Здружението на пензионери.